Welsh Music for Flute, Viola and Harp
Gwaith gan William Mathias, sef Zodiac Trio, yw canolbwynt ein harchwiliad i dreftadaeth gyfoethog Cymru.
Ymunwch â ni mewn cyngerdd o gerddoriaeth o Gymru yn cael ei pherfformio gan Mabon Llyr Rhyd, y chwaraewr fiola o Gymru, Aisha Palmer – enillydd gwobr yn yr Eisteddfod Genedlaethol – ar y delyn, a’r ffliwtydd Rebecca Rouch.
Mae’r cyngerdd hwn yn gyfle i glywed cerddoriaeth llai adnabyddus ynghyd ag alawon Cymreg traddodiadol a chyfarwydd ar gyfer y cyfuniad o fiola, ffliwt a thelyn – triawd ac iddo timbre neilltuol lle mae’r fiola’n pontio’r bwlch rhwng llyfnder y ffliwt a phlyciadau’r delyn.
Roedd William Mathias yn ffigur allweddol ym maes cerddoriaeth o Gymru yn ail hanner yr ugeinfed ganrif. Ef oedd Pennaeth Cerddoriaeth yng Ngholeg Prifysgol Cymru, Bangor, a sylfaenydd Gŵyl Gerdd Ryngwladol Gogledd Cymru. Ond mae ei Zodiac Trio yn hanu o dde Cymru, fel comisiwn gan Ŵyl Gerdd Bro Morgannwg. Mae’r darn dyfeisgar ac arallfydol hwn yn cynnwys symudiadau wedi eu hysbrydoli gan dri arwydd o’r Sidydd. Os ydych chi’n dod dan arwydd Pisces, Aries neu Taurus, gallech fod yn lwcus!
Bydd y rhaglen hefyd yn cynnwys cerddoriaeth gan y gyfansoddwraig adnabyddus Grace Williams, ac alawon Cymreig traddodiadol megis Myfanwy, Suo Gân, a Bugeilio’r Gwenith Gwyn.
Cyflwynir y dathliad hwn o gyfansoddwyr o Gymru yn ddwyieithog. Dewch draw i glywed rhai o’r ffefrynnau o blith cerddoriaeth werin Cymru wedi eu trefnu ar gyfer triawd telyn, a mwynhau rhai trysorau llai adnabyddus o blith treftadaeth gerddorol gyfoethog Cymru.