Folk, Fire and the Cello

Dydd Iau 26 Chwefror 2026 - Dydd Sadwrn 28 Chwefror 2026

O alawon cynhyrfus Dobrinka Tabakova i egni crai Bartók, dyma gyngerdd sy’n daith wyllt trwy weadau daearol a chyferbyniadau cyffrous. Ymunwch â ni wrth i enillydd cystadleuaeth Cerddor Ifanc y BBC, Laura van der Heijden, sy’n adnabyddus am ei chwarae ‘meddylgar, pwerus a didwyll’ (BBC Music Magazine), arwain Sinfonia Cymru mewn noson wefreiddiol. 

 Yn greiddiol i’r rhaglen mae’r Concerto Soddgrwth gan y cyfansoddwr Prydeinig-Bwlgaraidd Dobrinka Tabakova, campwaith modern sy’n cael ei berfformio’n gyson ledled y byd. Mae’r darn yn hardd ac yn ein atgoffa o’r arddull gwerin, wrth i’r agoriad cythryblus esblygu i ail a thrydydd symudiad sydd mor dyner, ac yn aros yn y meddwl ymhell wedi’r nodyn olaf. 

 Yn dilyn mae Divertimento ar gyfer Llinynnau gan Bartók, gwibdaith drydanol ac afreolus sy’n llawn egni tanllyd, ac wedi’i ysbrydoli gan ddawns werin. 

Bydd y chwaraewr soddgrwth Laura van der Heijden yn ymuno â ni ar y siwrnai hon. Fel enillydd cystadleuaeth Cerddor Ifanc y Flwyddyn y BBC yn 2012, mae’n gydymaith perffaith i’n cerddorion proffesiynol talentog, pob un dan 30 oed. Mae Laura wedi curadu nifer o gadwyni o alawon arbennig i’w plethu trwy’r cyngerdd, gan gyfuno caneuon traddodiadol Cymreig, alawon gwerin a straeon tylwyth teg. 

Efallai mai’r egni grymus sy’n eich denu? Neu harddwch a hudoliaeth caneuon gwerin Cymru? Beth bynnag fo’r rheswm, ry’n ni’n addo profiad arbennig fydd yn eich cyffwrdd, eich cyffroi a’ch synnu. 

Rhaglen