Chasing Sunlight
Yr haf hwn, rydyn ni ymhlith dyrnaid o sefydliadau a ddewiswyd gan y PRS Foundation i fod yn rhan o’u New Music Biennial lle rhoddir sylw i’r artistiaid sy’n gwthio ffiniau cerddoriaeth newydd yn y DU. Ymunwch â ni yn Llundain ac yn Ninas Diwylliant Bradford i weld a chlywed Chasing Sunlight – darn newydd, cyffrous gan y cyfansoddwr arobryn Mark David Boden.
‘Concerto Clyweledol’ yw Chasing Sunlight. Yn syml, mae’n golygu y bydd ein cerddorfa’n perfformio ar lwyfan o flaen tafluniadau fideo. Bydd yn siŵr o gyfareddu eich synhwyrau gyda’i gyfuniad hyfryd o gerddoriaeth a delweddau.
Ysbrydolwyd y gerddoriaeth a’r elfennau gweledol gan daith 40,000 milltir môr-wennol y Gogledd wrth iddi ymfudo o begwn i begwn. Crëwyd yr elfennau gweledol gan grwpiau o ffoaduriaid sydd wedi dianc rhag gwrthdaro, a cheiswyr lloches yn Bradford a Chaerdydd, mewn adlewyrchiad teimladwy o ddadleoli a dygnwch.
Yn ymuno â ni i berfformio’r concerto mae’r fiolinydd enwog Fenella Humphreys, sy’n arbenigo ar berfformio cerddoriaeth newydd. Mae’r cyfansoddwr Mark David Boden yn rhoi gwersi ar gyfansoddi yng Ngholeg Brenhinol Cerdd a Drama Cymru.
Mae’r cydweithrediad hwn yn tanlinellu ein hymroddiad i adrodd straeon arloesol a thrawiadol trwy gyfrwng cerddoriaeth. Ymunwch â ni yn y New Music Biennial a bod yn rhan o rywbeth bythgofiadwy.
Bydd pob cyngerdd yn para am awr. Byddwch yn clywed perfformiad cyntaf o Chasing Sunlight. Yna cewch gyfle i ddysgu gan y cyfansoddwr a’r unawdydd beth oedd wedi eu hysbrydoli a’u cymell i greu’r darn hwn; wedi’ch arfogi â’r mewnwelediad yma, byddwch yn clywed y darn yn cael ei berfformio am yr ail dro.
Cyfansoddwr Mark David Boden
Ffidil Fenella Humphreys
Crëwyd y cynnwys ffilm gan Gôr Oasis One World a’r Bradford Refugee Action BRAVE Group
Golygydd Gweledol Emily Darlington, Ratio Studios
Rhaglen
- Mark David Boden Chasing Sunlight