Mae dau o’n cerddorion yn dangos nad oes raid i chi gael llawer o bobl – nac unrhyw offerynnau bas – i greu cerddoriaeth nad yw’n cyfaddawdu o ran amrywiaeth na chryfder y y sain. Dechreuwn gydag un o passacagliasathrylithgar Johan Halvorsen ar thema gyfarwydd gan Handel, sy’n gwthio’r ffidil a’r fiola i’w heithaf. Yna awn ymlaen i archwilio bydoedd gwahanol iawn – er yn gysylltiedig – gyda gweithiau gan Martinu a Mozart. Mae’r tair Madrigal gan Martinu yn ein gwefreiddio, gan gyfuno elfennau aruchel, tawel â bywiogrwydd ffyrnig, tra bydd melodïau rhwydd a nwyfus Mozart yn eich gadael i fwynhau gweddill y dydd mewn hwyliau da.