Roedden ni eisiau creu mwy o fideos cerddoriaeth i chi a hefyd rhoi cyfle i’n chwaraewyr chwythbrennau ddisgleirio. Felly, fe ofynnon ni iddyn nhw ddewis eu hoff ddarnau o’r repertoire chwythbrennau. Mae’r canlyniad yn ddetholiad o unawdau, deuawdau a thriawdau byr sy’n rhychwantu amrywiaeth o gyfansoddwyr ac arddulliau cerddorol.

Fe roddon ni ddau ddewis i’r oböydd Amy Roberts oherwydd iddi ein helpu i drefnu’r prosiect. Mae rhai o’r farn mai’r Trio for Oboe, Bassoon & Piano gan Poulenc yw ei waith siambr mawr cyntaf. Mae wedi’i gyflwyno i Manuel de Falla, ac fe’i chwaraewyd am y tro cyntaf ym Mharis ym 1927 gyda Poulenc wrth y piano.